आता विश्वात्मके देवे ।येणे संगणक ज्ञाने तोषावे । तोषोनी आम्हा द्यावे । नोकरीदान हे ।। जे बेरोजगार त्यास नोकरी लागो । त्यांना घसघशीत पगारवाढ लाभो । बॉसची त्यांवरी राहो । अभूतपूर्व प्रीती ।। मालकशाही निघून जावो । कामगारांचे राज्य येवो । जो जे वांच्छिल तो तें लाहो । कामगार समाज हा ।। सकळ कामगार मंडळी । संगणक अभियंत्यांची मांदियाळी । अनवरत भूमंडळी । भेटत राहो ।। चला कंपनी मध्ये जाऊ । टाईम पास करून येऊ । व्यवस्थापक लोकांना दाखवुं । कधीच न केलेले काम ।। कामचुकारपणा हे ज्यांचे लक्षण । deliveries उशीर हे ज्यांचे भूषण । ते समस्त कामगार जन । सोयरे होतु।। किंबहुना आंतरजाली (Internet) । पडून राहू तिन्ही काळी । सदैव कळफलक आदळी । खटा खटा ।। आणि गुगल च्या कृपाशिर्वादाने । सदैव कोड copy -paste करणे । R&D केली म्हणून सांगणे । पचून जावे जी ।। येथ म्हणे श्री विश्वेशराओ । हा होईल दान पसावो । येणे वरे कामगार सर्व । सुखिया झाले ।।